Kremlniñ matbuat kâtibi Dmitriy Peskov Ukrayina ve Rusiye prezidentleri Volodımır Zelenskıy ve Vladimir Putin avgustnıñ soñuna qadar körüşe bileceklerinden şübhelengenini ayttı.
«Öyle bir vaqıtta yaşaymız ki, bir şey olmaycaq dep aytmaq imkânsız ola. Amma yaqınlaştırmaq, bizim içün, menfaatlarımıznı temin etmek içün yapılacaqlarnıñ büyükligini añlasaq, bu mesafeni sekirip-sekirip keçmekni tasavvur etmek zor», – dedi Peskov jurnalistlerniñ suallerine cevap berip.
Bu yaz soñuna qadar Zelenskıy ve Putinniñ şahsiy körüşüvini keçirmek teklifini Ukrayina tarafı İstanbulda keçirilgen Ukrayina-Rusiye muzakerelerinde seslendirdi. Bu teklifke köre, körüşüv ABD ve Türkiye prezidentleri Donald Trump ve Recep Tayyip Erdoğannıñ iştirakinen keçirilmeli.
